Социјалните мрежи имаат поголемо влијание врз детската психа и водат кон нивна инфантилизација, вели бароницата Сузан Гринфилд, виш научен соработник во Оксфордскиот универзитет и поранешен директор на Кралскиот институт на Обединетото Кралство.
Пред Дејли телеграф, бароницата вели дека социјалните мрежи и видео игрите создаваат генерација на луѓе со ментална и емоционална незрелост на тригодишно ниво. Во процесот на растење, децата сѐ повеќе добиваат непосредно уживање преку социјалните мрежи и игри. Според Гринфилд, според тоа, се формира потреба за непосредно одвраќање и не се развива внатрешно размислување.
“Јас предвидувам дека луѓето ќе почнат да личат на три годишни деца: емоционални, ризикуваме со лоши социјални навики, со ниска самосвест и ниска концентрација на вниманието”, нагласува Гријнфијлд која беше една од првите, кога уште пред четири години предупреди дека социјалните мрежи и видео-игри го трансформираат мозокот на детето.
Според истражувачот проблемот станува подлабок, децата имаат потреба секоја минута од стимулација, тие веќе не се во состојба да размислуваат, да формулираат свои мислења и мисли. Како резултат на тоа, следната генерација ќе стане повеќе нарцисоидна, со ниска самодоверба и повисоки нивоа на депресија, бидејќи комуникацијата преку социјалните мрежи ги заменува детските лични разговори.
Според Гринфилд, технолошките компании кои користат алгоритми за да ги задржат луѓето во мрежата самите мора да се справат со заштитата на мозокот од штетните ефекти на технологијата. Таа, исто така смета дека е исклучително важно родителите да бидат информирани за ефектите од “живеењето на интернет”, како што е случајот со пропаганда за тутун или алкохол.