132
Во рамки на манифестацијата „Нов културен бран 2018“, утре во Домот на културата во Македонска Каменица ќе биде изведена стендап-комедијата „Вештачка интелигенција, природна глупост“ на стендап-комичарот Никола Тодоровски.
Како што информираат организаторите од здружението АСГАРД, настапот ќе биде хуманитарен.
– Оваа година АСГАРД донираше рекордни средства во локалната заедница, а практиката ќе продолжи и со ова стендап шоу. Нето-приходот од продажба на билети ќе биде дониран за подобрување на егзистенцијалните услови на фамилијата Спасевски за која во тек е хуманитарна акција, информираат од АСГАРД.
Како дел од „T Sound Festival”, настанот е поддржан од Министерството за култура со логистичка поддршка на Културно-информативен центар „Романса“ и Општина Македонска Каменица.