Охрид со низа манифестации и свечености денеска ја одбележува 74-годишнината од ослободувањето на градот од фашистичката окупација во Втората светска војна.
Празнувањата почнаа вчеравечер со концерт на учениците на Основното музичко училиште „Методи Патче“.
За денеска се предвидени повеќе активности, што ќе почнат во 11 часот во Спомен-паркот на револуцијата и во Градскиот парк каде ќе бидат положени 74 рози за исто толку години слободен Охрид. Цвеќе ќе биде положено и на спомен–обележјата од НОБ на Градските гробишта, кај Основен суд, во дворот на СОСУ „Св. Кирил и Методиј”, а панихида и полагање свежо цвеќе ќе има и на кај паметникот на народниот херој Јасна Ристеска во село Рамне.
Централниот настан во рамки на свеченостите е предвиден за напладне на Малиот плоштад кај поранешната градска библиотека, кад свои обраќања по повод празникот ќе имаат градоначалникот Јован Стојаноски, претставник на Општинската организација на Сојузот на борци од Охрид и Дебрца, а најавена е и културно – уметничка програма.
Празнувањата ќе бидат заокружени со свечена приредба по повод патрониот празник на ЈОУДГ „Јасна Ристеска” што ќе се одржи во Центарот за култура „Григор Прличев“ од 18 часот.
Текстовите, фотографиите, видеоматеријалите и другите содржини што ги објавува „lokalno.mk" се авторски.
Во ниту еден случај не е дозволено нивно бесплатно преземање без дозвола од редакцијата на Lokalno.
Доколку се добие дозвола, текстовите, фотографиите, видеоматеријалите и другите содржини дозволено е да се преземат со задолжително наведување на изворот и авторот со вметнување на директна интернет-врска (линк) до оригиналната содржина на „lokalno.mk".
При добивање на одобрување од редакцијата за превземање на текст, може да се превземе само дел од новинарско дело насловот, придружната фотографија (односно насловната фотографија) и воведниот дел на текстот, познат како „лид"
Преземање содржини од „lokalno.mk" надвор од овие услови не е дозволено и подложи на санкционирање согласно Законот за авторски и сродни права.