Интензивните и обилни врнежи од снег во текот на ноќта придонесоа дебелината на снежната покривка на Пониква да се зголеми на 70 сантиметри.
Екипи на јавното претпријатие “Македонијапат“ редовно го чистат патот до зимскиот туристички центар и сообраќајот се одвива без поголеми проблеми. Дополнително се преземаат активности за оджување на паркинг просторот, со оглед на зголемениот број посетители за викендот.
-Во моментот во сместувачките објекти на Пониква престојуваат над 200 гости за кои е обезбеден полн пансион. Условите за скијање се одлични, работат двата ски-лифта, а патеките се подготвени за скијачите. Капацитетот на нашиот објект веќе е распродаден од крајот на ноември до почетокот на март, а зголемен интерес има и поради организираното ноќно скијање во текот на неделата, истакна Јорданчо Стоименов, одговорен во одморалиштето на Пониква.
Освен во одморалиштето и угостителските објекти, неколку стотини гости се сместени и во приватните викенд куќи, чии сопственици ги изнајмуваат за посетителите.
Цената на еднодневен билет за ски-лифтовите на Пониква е 500 денари, попустот за деца е 20 отсто, а постои и можност за изнајмување скијачка опрема.
Текстовите, фотографиите, видеоматеријалите и другите содржини што ги објавува „lokalno.mk" се авторски.
Во ниту еден случај не е дозволено нивно бесплатно преземање без дозвола од редакцијата на Lokalno.
Доколку се добие дозвола, текстовите, фотографиите, видеоматеријалите и другите содржини дозволено е да се преземат со задолжително наведување на изворот и авторот со вметнување на директна интернет-врска (линк) до оригиналната содржина на „lokalno.mk".
При добивање на одобрување од редакцијата за превземање на текст, може да се превземе само дел од новинарско дело насловот, придружната фотографија (односно насловната фотографија) и воведниот дел на текстот, познат како „лид"
Преземање содржини од „lokalno.mk" надвор од овие услови не е дозволено и подложи на санкционирање согласно Законот за авторски и сродни права.