Најмалку 40 загинати во престрелката во две џамии во Нов Зеланд

– Ова е еден од најтемните денови во историјата на Нов Зеланд. Она што се случи овде е досега невиден чин на насилство, истакна премиерката Ардерн.

Таа додаде дека повеќе од 20 лица се ранети, од кои повеќето со сериозни повреди.

По престрелката чeтири мажи и една жена се уапсени.

Полицијата потврди дека има „значителен“ број жртви, но не го прецизира нивниот број. Во соопштение наведува и дека откриле неколки импровизирани експлозивни направи оставени под автомобили.

Маж, кој презел одговорност за нападот, оставил антиимигрантски проглас на 74 страници, во кој објаснува кој е и какви се причините за нападот.

Не е јасно дали двата напади се поврзани и работата на едно лице или група.

Лути муслимани инсистираат на тоа дека нападот врз џамиите се смета за тероризам, а не да се дефинира само како напад.

Ардерн изрази сочувство за мигрантите кои го избраа Нов Зеланд како свој дом и рече дека убијците не биле дел од заедницата.