Ракот на белите дробови предолго се поврзуваше само со пушењето. Имено, иако пушењето предизвикува околу 85% од случаите со рак на белите дробови, многу луѓе ја добиваат болеста без воопшто да запалат цигара. Поради ова, добро би било да бидете свесни за симптомите, со цел порано да ја откриете болеста и да си ги зголемите шансите да лекување.
Потребно е подигнување на свеста за симптомите кои укажуваат на рак на бели дробови. Исто така важно е да се знаат и ризичните фактори, како загадувачите на воздух.
Многу луѓе кои не се пушачи често не се свесни за ризикот, па кога ќе се појават првите симптоми, не ни помислуваат дека имаат рак на белите дробови. Повеќето ја лечат силната кашлица на своја рака и не одат на детален преглед. Сепак, постојат некои симптоми кои не смеете никако да ги игнорирате и кои се знак дека треба да посетите лекар.
1. Кашлица која не престанува после 2-3 недели
2. Кашлица којашто се влошува
3. Воспалителни инфекции на градите
4. Искашлување крв
5. Болка за време на дишење и кашлање
6. Често задишување, дури и кога нема некој поголем напор
7. Постојан замор и недостаток од енергија
8. Губење на апетитот и необјасниво слабеење