Дали е можно човек да се промени низ годините или остануваме такви какви што сме? Еве што открива науката.
Досегашните тези беа дека мозокот е сосема формиран на одредена возраст и со тоа не е подложен на промени. Се сметаше дека бројот на неврони и невронски врски е конечен и дефинитивен, а сите теории за тоа дека човечкиот мозок можеби може да се менува или да расте се отфрлани како да се научна фантастика.
Но, новите истражувања покажуваат дека не е така. Всушност, мозокот е далеку повеќе подложен на промени отколку што претходно се сметаше, одговара на промените во опкружувањето, на нови ситуации и се реорганизира во текот на целиот наш живот.
Еден од добрите примери за тоа што се случува во мозокот е податокот поврзан со мозоците на таксистите во Лондон. За разлика од таксистите на други градови овие од Лондон мораат да ги научат имињата на илјадници улици, илјадници рути на движење за да положат многу комплициран тест неопходен за добивање лиценца.
Полагањето на тестото бара извонредна меморија и научниците биле љубопитни да проверат како количината на толку запаметени податоци влијае на мозокот. Снимките покажале дека дел од мозокот одговорен за паметење по положениот тест е значително поголем отколку кај просечна личност.
На ист начин на кој мозокот се менува е способен и да се адаптира, и ние сме способни да се промените и адаптираме на новите околности. Новите вештини можат да се стекнат, а нашиот карактер е можно и во зрели години на одреден начин да го насочиме и негуваме.