Премиерот Зоран Заев вчера се огласи на Фејсбук за Договорот од Преспа.

– Денеска наврши една година од потпишувањето на Договорот со Грција. Кога имаш верба, храброст и надеж, можеш планини да поместиш. Со потпишувањето на конечниот договор за решавање на прашањето за името и за стратешко партнерство меѓу нашите две земји, навистина поместивме планини.

Преспанскиот договор денеска е повеќе од решение на долгорочен спор меѓу две земји. Преспанскиот договор е модел на решавање на билатерални односи базирани на дијалог, како клучна европска вредност, којашто го обезбедува заедништвото, напиша тој.