Иако на неговата адреса стигнаа неколку понуди од НБА тимови, Никола Миротиќ реши да ги одбие сите и да се врати во Шпанија, каде што го изгради името. Но, наместо враќање во Реал Мадрид, тој се одлучи за потпис за нивниот најголем ривал – Барселона.
Објаснувањето зад ваквиот потег на Миротиќ е многу едноставно. Барселона понуди најголема плата и најголема сигурност во однос на должината на договорот, па одлуката на Миротиќ беше лесна.
Според извештаите од Шпанија, Никола Миротиќ ќе потпише четиригодишен договор со плата во висина од 10 до 13 милиони евра годишно, со што ќе стане најплатениот играч во Европа.
Nikola Mirotic is not signing a six-year, €70 million contract with Barcelona.
Mirotic will sign a four-year contract with the Catalan powerhouse, as reported by @chemadelucas
— Emiliano Carchia (@Carchia) June 30, 2019
Претходно Миротиќ беше на мета на неколку НБА тимови, помеѓу кои и Јута Џез, кои му понудија тригодишен договор вреден вкупно 45 милиони долари. На хартија, изгледа дека овој договор е многу сличен на оној кој Миротиќ ќе го потпише со Барселона, но уште од поодамна знаеме дека вредноста на парите е далеку поголема во Европа отколку во САД.
Инаку, потпишувањето за Барселона ќе го стави Миротиќ на „црната листа“ кај навивачите на Реал Мадрид, кои го гледаа крилниот центар како расте и се развива во одличен играч додека играше во дресот на „кралевите“ од 2008 до 2014 година.