Во целиот свет, по една личност, на секои 40 секунди, си го одзема својот живот  и повеќе луѓе умираат од самоубиство секоја година отколку во војна. Според податоците на Светската здравствена организација, цитирани од Ројтерс.

Бесењето, труењето и пукањето се најчестите методи на самоубиство , велат од СЗО, повикувајќи ги владите да усвојат планови за спречување самоубиство за да им помогнат на луѓето да се справат со стресот и да го намалат пристапот до лековите против самоубиство.

„Самоубиството е глобален здравствен проблем. Сите возрасти, пол и региони во светот се погодени и секоја загуба е премногу голема“, се вели во извештајот на СЗО.

Самоубиството е втора водечка причина за смрт кај младите луѓе на возраст меѓу 15 и 29 години по повреди на патот, а кај тинејџери на возраст меѓу 15 и 19 години е втор по големина убиец  .

Кај адолесцентните момчиња, самоубиствата се рангираат на третото место по сообраќајни несреќи  и интерперсоналното насилство.

Скоро 800.000 луѓе умираат од самоубиство секоја година – повеќе од оние убиени од маларија или рак на дојка, или од војна или убиство, забележува СЗО.

Во последниве години, глобалното ниво се намали – со пад од 9,8% помеѓу 2010 и 2016 година, но падот е сепак мал.

Во извештајот се открива дека скоро три пати повеќе мажи отколку жени умираат од самоубиство во богатите земји, наспроти земјите со низок и среден стандард, каде стапките се повисоки.

„Самоубиствата се спречуваат“, рече генералниот директор на СЗО, Тедрос Аданом Хебраис. Тој ги повика сите земји да ги вклучат докажаните стратегии за спречување самоубиство во националните програми за здравство и едукација.

Светската здравствена организација истакна дека ограничувањето на пристапот до пестициди е еден од најефикасните начини за брзо намалување на стапките на самоубиства.

Пестицидите најчесто се користат и обично доведуваат до смрт затоа што се толку токсични, немаат противотров и честопати се користат во оддалечени места каде што  во близина нема медицинска помош.