Во Собранието во тек е средбата меѓу премиерот и лидер на СДСМ Зоран Заев и претседателот на опозициската ВМРО-ДПМНЕ Христијан Мицкоски на која ќе се обидат да најдат решение за Законот за јавно обвинителство, а со тоа и за статусот на Специјалното јавно обвинителство.
Во фокусот на разговорите, официјално се Законот за јавно обвинителство, а според ВМРО-ДПМНЕ ќе се разговара и за предвремени избори што биле и услов за лидерската средба.
Сепак според извори од преговарачкиот тим на власта се дознава дека суштината во преговорите вечерва е да се блокира работата и предметите на СЈО
Главна цел им е предметите од СЈО да не продолжат, односно обвинетите од ВМРО-ДПМНЕ да не одговараат пред правосудството.
Постојано ја враќаат таа тема за дискусија, посочуваат извори од преговарачките тимови.
За власта тоа е завршено прашање бидејќи со предавањето на предметите од СЈО кај ОЈО, сега предметите на СЈО никако не зависат од политичарите.
Предметите зависат исклучиво од независна правосудна институција предводена од Јовески.
Токму поради тоа е крајно спротиставени позции незивесно е до кога ќе трае вечерашнава лидерска средба.
Покрај Заев и Мицковски, на средбата се присутни и министерката за правда Рената Дескоска и претставниците на работните групи од СДСМ и ВМРО-ДПМНЕ.
Од исходот на вечерашната средба меѓу Заев и Мицкоски, зависи кога ќе се одржат продолженијата на комисиската и пленарната седница за Законот за ЈО, како и на парламентарното заседание за разрешување на специјалната обвинителка Катица Јанева, која мора да биде разрешена најдоцна до 15 септември.
Претседателот на Парламентот Талат Џаери изјави дека доколку има договор, тогаш седниците би можеле да бидат закажани уште утре. Според него, мора да се почитува рокот до 15 септември за разрешување на Јанева, а поради скратените рокови до 15 септември се очекува да биде донесен и Законот за ЈО за чие усвојување потребно е двотретинско мнозинство од пратениците.
Последната средба на работните групи на власта и опозицијата за законот, која се одржа минатата недела не вроди со суштествен заклучок, а сега се очекува решението да се бара на лидерската средба.