Лековитите својства на маслиновото масло се познати уште одамна. Ладно цедено маслиново масло е добар извор на витамин Е, кој има моќно антиоксидантно делување и е извор на незаситени масни киселини кои го штитат здравјето на целокупниот организам.
Досегашните истражувања покажаа дека маслиновото масло е одлично е за здравјето, затоа што го намалува ризикот од настанување на рак на дебелото црево, болести на црниот дроб, астма, дијабетес и помага за намалување на холестерол. Секојдневно земајте маслиново масло затоа што може да го подобри вашето здравје и изглед, тврдат научниците.
На Медитеранот, маслиновото масло служело како средство за плаќање, а во средниот век се користело за плаќање наместо готовина. Го употребувале како лек, козметичка состојка, а златарите со маслиново масло ги полирале драгите камења.
Камен во бубрег
Пет дена пред појадок, ручек и вечера, земајте лажичка нерафинирано маслиново масло и можете да додадете малку сецкан магдонос.
Варење на храна
Пијте лажичка маслиново масло секое утро пред јадење.
Висок притисок
Сварете 20 маслинови лисја во 300 милилитри вода. Потоа тргнете од оган, засладете го со шеќер и пијте два пати на ден, пред појадок и вечера.
По срцев удар
Измешајте две лажички сецкан маслинов лист и сипете во 700 мл. врела вода. Додадете една лажица лист од нане и цвет од лаванда, оставете да отстои два часа, исцедете и пијте 100 мл. секој час.