Шведскиот голгетер Златан Ибрахимовиќ доби статуа пред стадионот во родното Малме.
Напаѓачот на Лос Анџелес Галакси ја откри бронзената статуа со својот лик, висока 2,7 метри и тешка околу 500 кг.
Таа е поставена пред стадионот Малме, клуб со кој фудбалерот ја почна кариерата, по што следеа Ајакс, Јувентус, Интер, Милан, Барселона, ПСЖ и Манчестер јунајтед.
„Многу сум среќен поради местото каде ќе биде поставена статуата. Тоа беше моја желба од почеток. Во Малме почнав и тука е моето срце“, рече фудбалерот.
Тој во свој стил прокоментира: „КОга ќе стигнете во Њујорк, ја имате Статуата на слободата, кога ќе дојдете во Шведска ја имате статуата Златан“.
Со 62 гола е рекордер во репрезентацијата на Шведска на 116 натпревари.
Zlatan Ibrahimovic has unveiled a statue of himself in his home country Sweden. pic.twitter.com/QUQPXPctem
— Squawka Live (@Squawka_Live) October 8, 2019