Сопственикот на фирмата „Еко клуб“ од Битола, Сашо Јанакиевски повеќе не е почесен Конзул на Унгарија во Битола. Ова било одлучено од страна на унгарското МНР откако во јавноста излезе информацијата дека фирмата на Јанакиевски несоодветно го третира медицинскиот отпад пред да го депонира на депонијата „Дрисла“.
Инаку, медицинскиот отпад, за кој градоначалникот на Скопје, Петре Шилегов објави фотографии, а Обвинителството отпочна истрага, Јанакиески го носел на „Дрисла“, без притоа да го обработи и уништи, а тоа му го овозможувал ексдиректорот на „Дрисла“, Горан Ангелов, кој беше градоначалник на Виница во два мандати од редовите на ВМРО-ДПМНЕ, а кој исто така имаше желба да биде претседателски кандидат минатата година од редовите на опозициската партија.
А.Т.