Д-р Срѓа Јанковиќ, имунолог на Универзитетската клиника за деца во Тиршова, беше домаќин на втората веб-конференција, организирана од Форумот на пациенти на Србија, каде што одговори на бројни прашања во врска со коронавирусот.
Одговарајќи на прашањето колку коронавирусот може да се задржи на површините, д-р Срѓа Јанковиќ изјави:
– Не треба да ги кроиме нашите превентивни постапки по тоа што сме нашле бројки во некоја студија. Вирусот нема тајмер, не секоја вирусна честичка ќе умре во исто време. Можеби нема ни да биде инфективен токму во тоа време, но во одреден момент ќе ја изгуби способноста да заразува, објасни тој.
Затоа, вели тој, треба да ја третираме секоја површина како потенцијално заразена.
„Знаеме дека вирусот може да потрае некое време и тоа треба да ни биде доволно“, рече имунологот.