„Дишат како стакло да имаат во белите дробови“ – снимки од бели дробови на македонски пациенти со Ковид-19

„Викаат дека имаат срчи или како стакло да имаат во белите дробови“, вака ја објаснуваат болката заразените македонски пациенти од Ковид-19, вели пулмологот проф д-р Дејан Докиќ за 360 степени.

Македонија не ја одминаа најтешките форми на болеста, кои најчесто завршуваат фатално. Најкритичните пациенти се во вештачка, медицински контролирана кома и дишат со помош на механичка вентилација.

„Со практично крвавење и на некој начин распад на белите дробови“, кажа министерот Венко Филипче на една од прес-конференциите соопштувајќи смртен случај кај 31-годишен пациент со ковид-19.