Путин за коронавирусот во Русија: Јас му верувам на Господ

Рускиот претседател Владимир Путин повика денес да се зголеми капацитетот на болниците со повеќе кревети за прием на пациенти со коронавирус, дури ако можеби и не би им биле потребни, за што рече дека се надева.

„Ние разбираме дека (дополнителните кревети и опрема) може да не бидат потребни. Јас му верувам на Господ, но ние мора да го имаме сето тоа“, рече Путин на онлајн состанокот со гувернерот на областа Приморската во Далечниот исток на Русија, пренесе ТАСС.

Тој рече дека се надева оти регионалните власти ќе можат да ги спроведат сите свои планови за борба против вирусот.

„Со тоа повеќе ќе покажете добри резултати“, истакна Путин, додавајќи дека тие треба да продолжат со веќе започнатото.