Адеми: Не е време за една изборна единица

„Сметаме дека не е време за една изборна единица, туку е време за се повеќе да се отсликува хетерогеноста на нашето мултиетничко општество“, изјави пратеникот од ДУИ, Арбер Адеми.

Според него, партијата е за отворени листи за советници за локалните избори, но исто така е против мнозински модел за избор на градоначалници.

„За прашањето за една изборна единица, навистина ни треба еден инклузивен пристап и широка дебата. Било какков модел кој ќе го избереме, треба да ја рефлектира хетерогеноста на општеството, претставувајќи ги граѓаните, како што се во реалноста на ова општество“, потенцира Адеми.