Претседателот на Демократската унија за интеграција, Али Ахмети денеска беше домаќин на амбасадорката на Соединетите Американски Држави, Анџела Агелер, на која и посака успех во новата улога.
Соработката меѓу двете земји, евроинтеграциите, уставните измени и реформи, политичката состојба во земјата и регионот, како и процесот на ветинг беа само неколку теми на кои разговараа Ахмети и Агелер, се вели во партиското соопштение.
Ахмети изјавил дека враќањето на амбасадорката Агелер и нејзиното познавање на земјата и околностите ќе придонесе за унапредување на билатералните односи и уште поголемо зајакнување на соработката меѓу двете земји.
Лидерот на ДУИ изразил благодарност за американската помош за реформите и процесот на евроинтеграции.
„Целосната интеграција на нашата земја и на Западен Балкан во Европската Унија е дополнителна гаранција за стабилноста и просперитетот на регионот“, истакнал Ахмети.
На средбата Ахмети и Агелер разговарале за потребата од уставни измени како услов за продолжување на европскиот пат, поради што било оценето дека сите политички сили во државата треба да се рефлектираат и да не ја држат во заложништво иднината на државата и нејзините граѓани.
Додека Ахмети го повтори процесот на ветинг како неопходен поради фактот што тој ќе биде најдобра форма за наинкриминираноста на личностите во сите сфери, од политиката до обвинителите и судиите, како форма на контрола пред да бидат избрани за одредени задачи.
Ахмети изрази благодарност за виталната улога на САД во земјата и регионот, како и дека тој и ДУИ се партнери и целосно достапни за прогресивната проевропска агенда, владеењето на правото, реформите и борбата. против организираниот криминал и корупцијата.