АктуелноГраѓанскиПолитикаСлајдер

Албанскиот државен комитет за малцинства ја корегира грешката, сега сме Македонци

од desk4
84 прегледи

Албанскиот државен комитет за малцинства ја корегира грешката на веб страницата во делот резервиран за влашкото малцинство, па македонското малцинство повеќе не е Славомакедонско туку Македонско.

Ова е по одлука на Комесарот за заштита од дискриминација, кој позитивно одговори на барањето на Македонското друштво „Илинден“ со седиште во Тирана.

 – Комесарот за заштита од дискриминација со одлука број 149 а по наше барање, по инситуционален пат побара да се отстрани од веб страницата на државниот комитет за малцинства, во делот резервиран за влашкото малцинство, терминот Славомакедонци. Комитетот експресно реагираше на одлуката и сега стои Македонци, како што стои во отстапениот простор од сајтот за другите малцинства, изјави за МИА, претседателот на МД„Илинден“, Никола Ѓурѓај.

Според него, Друштвото заедно со огранокот за Голо Брдо остро реагирале на преименувањето и во писмото до Комесарот побарале да се ангажира тоа веднаш да се корегира.

– Во барањето наведовме дека во Република Албанија е признато македонското национално малцинство, со мајчин македонски јазик, додава Ѓурѓај.

Според него ова е уште еден успех на Македонците во напорите да се елиминираат навредите на нивното достоинство и кршењето на нивните легитимни права.