187
Министерот за информатичко општество и администрација, Адмирим Алити информира дека ќе има реорганизација во смисла јавната администрација да биде поефикасна и поотчетна.
-Ќе има намалување на бројот на директори и на членови на Управни одбори, а не на вработени. Вработените ќе бидат трансферирани, со реорганизација ниту еден вработен нема да биде отпуштен од работа. Посебно во централна власт имаме дефицит на вработени. Вработените ќе останат, а ќе има директори кои во 2024 година, штом таа институција нема да има веќе директор, нема да бидат директори, рече Алити.
Тој додаде дека работат на зголемување на платите на вработените во централната власт, но тоа ќе биде со посебен закон како што ќе биде Законот за плати.