Јогуртот го намалува ризикот од срцев удар за луѓето со висок крвен притисок, сметаат американските научници, цитирани од весникот “Дејли мејл”. Овој ефект е особено нагласен кај жените. Најмалку две порции јогурти неделно го намалуваат ризикот од срцев удар и мозочен удар за 30 проценти. Кај мажите, ризикот е намален за 19 проценти. Научниците од Бостонскиот универзитет го објаснуваат корисниот ефект на јогуртот за срцето со комбинацијата од природна ферментација и содржината на калциум.
Претходните истражувања открија дека калциумот е важен за нормалното контракција и релаксација на срцето, а пробиотиците од ферментирана храна го намалуваат крвниот притисок. Американските научници ги анализирале податоците на 55.898 жени на возраст од 30 до 55 години и 18.232 мажи на возраст од 40 до 75 години од истражувањето, кое го опфатило медицинскиот персонал. Корисните бактерии во јогуртот исто така ги намалуваат симптомите на депресија, открија научниците од универзитетот “Макмастр” минатата година.