Возилата кои служат за бегство или напад им создаваат големи проблеми на службите за спроведување на законот и редот. Затоа, американското министерство за одбрана веќе некое време развива безопасно енергетско оружје чија намена е брзо онеспособување на модерните возила.
Оружјето наречено Radio Frequency Vehicle Stopper функционира на принцип на високоенергетски микробранови, кои насочени кон погонот на возилото, создаваат пречки на електрониката и ресетирање на контролната единица, а на крај и гасење на моторот.
Radio Frequency Vehicle Stopper е безопасен за луѓето и може да запре било што – од автомобили и камиони, до глисер. Ова енергетско оружје го напојува турбина од 300 kW.
Во развој се две верзии – послаба мобилна единица која може да сопре возило на растојание од 50 метри и помоќна, стационарна, која функционира и на неколку стотини метри.
Како ова чудо функционира во пракса, погледнете во видеото:
https://www.youtube.com/watch?time_continue=2&v=H-tNhWSLufA