Талентираниот холандски дефанзивец Матијс де Лихт постигна автогол во вториот настап за Јувентус на пријателски натпревар против Интер.
19-годишниот Де Лихт неодамна дебитираше за Јувентус кога одигра 28 минути на средбата со Тотенхем, а на првиот натпревар во кој играше од првата минута ги разочара фановите на „Старата дама“.
Уште во десеттата минута против најголемиот ривал на Јуве, „златното момче“ се покажа како неспретен играч и постигна автогол.
Juventus 0-1 Inter (De Ligt Own Goal) 😄Great corner from Sensi and flick on from Gagliardini pic.twitter.com/hBIja0ZB4n
— InterYaLautaro (@InterYaLautaro) July 24, 2019
Де Лихт потпиша договор до јуни, 2024 година, што значи дека ќе остане во редовите на италијанскиот гигант во наредните пет години.
Јувентус соопшти дека во наредните пет години ќе му исплати на Ајакс 75 милиони евра, а тука се и дополнителните трошоци од 10,5 милиони евра.