Баерн максимален, Јуве во 93. минута со голот на Даглас Коста ја освои Москва (ВИДЕО)

Фудбалерите на Баерн Минхен славеа со 2:0 над Олимпијакос и ја остварија 4 победа во Лигата на шампиони.

„Баварците“ го скршија отпорот на Олимпијакос во второто полувреме благодарение на головите на Роберт Левандовски во 69. минута и на Иван Перишиќ на минута пред крај.

Со голот на Даглас Коста во 93. минута Јувентус триумфира на тешкото гостување во Москва против Локомотив со 2:1.

„Старата дама“ од Торино прва стигна до погодок преку Ремзи веќе во 4. минута, а во 12. минута израмни Миранчук.