Баерн (Минхен) е уште еден клуб кој покажува интерес за играчот од средниот ред на Барселона, Френки де Јонг. Откако Манчестер Јунајтед и Челси не успеаја во обидите да го ангажираат 25-годишниот Холанѓанец, Баварците сега подготвуваат изненадувачка понуда за него, тврди „Jijantes“.
Идејата на шефовите на Баерн е да го земат Де Јонг на позајмица на една година со опција да го купат следното лето. Германскиот гигант исто така е подготвен да плати сериозна сума за киријата, а во целост ќе ја преземе и платата на играчот.
Голема е веројатноста Барселона да се согласи на таков договор, бидејќи тоа би ослободило доволно финансии за клубот да потпише со Жил Кунде. Самиот Де Јонг, исто така, може да биде повеќе склон да ја прифати понудата на Баварците, бидејќи таму повторно ќе се соедини со неговиот добар пријател Матијас де Лихт, кој беше донесен на почетокот на летото од Јувентус.