Поранешниот висок претставник на ЕУ за надворешни работи и безбедносна политика, Жозеп Борел, ја обвини израелската влада за извршување геноцид во Газа и спроведување на „најголемата операција на етничко чистење од крајот на Втората светска војна за да се создаде одлична дестинација за одмор“.
Зборувајќи на приемот на Европската награда Чарлс V пред официјални лица, вклучувајќи го и шпанскиот крал Фелипе, Борел рече дека „ужасите што ги претрпе Израел за време на нападот на Хамас на 7 октомври 2023 година, не можат да го оправдаат она што го стори во Газа потоа“, пишува Гардијан.
Поранешниот министер за надворешни работи на ЕУ го обвини Израел за кршење на сите правила на војување и користење на „гладувањето на цивилното население во Газа како оружје на војна“.