Премиерот на Бугарија, Бојко Борисов рече дека не го прислушувал претседателот на земјата Румен Радев, објави БГНЕС.
Борисов се ракуваше со претседателот Радев, со кого присуствуваа на роденденот на КНСБ, кој слави 30 години од своето основање.
„Јас не сум го прислушувал претседателот на кој било начин. Не знам, не сакам да знам, не сум знаел“, се вознемири Борисов, додавајќи дека не би си дозволил да се вплетка во овој скандал. Премиерот не пропушти да потсети дека тој самиот бил прислушуван пред години.
Борисов рече дека дури и предмет на записите објавени од обвинителството не бил претседателот Радев туку тогашниот командант на Воздухопловните сили.
Премиерот ја поддржа жалбата на генералниот обвинител Иван Гешев, кој претходно денес побара владата да не се меша во работата на обвинителството.
„Тој е апсолутно во право. Обвинителството не е место за решавање на политичките судири “, рече Борисов, додавајќи дека тој побарал од институциите да го решат проблемот со увозот на отпад однадвор, но не го побарал тоа од обвинителството.