Британскиот премиер заинтересиран за продажбата на Њукасл

Конзорциумот предводен од принцот на Саудискиот престолонаследник Мохамед бин Салман се повлече од веќе договорената аквизиција на Њукасл за 300 милиони фунти, што предизвика реакција од навивачите на англискиот тим.

Скоро 97.000 луѓе потпишаа петиција во која се бара Премиер Лигата да покаже одредена транспарентност, додека 6.000 членови на „Newcastle United Supporters Trust“ (NUST) им се обратија на локалните пратеници.

Сè тоа беше доволно за Премиерот на Велика Британија, Борис Џонсон, да испрати писмо на неколку адреси за да ги открие вистинските причини зошто тимот не бил купен, иако купувачот и продавачот, задоволни од цената, се согласиле за деталите.

Според извештајот на „Скај Спортс“, Независниот фудбалски народен правобранител ја повикал Премиер лигата да одговори на голем број прашања, во кои доби поддршка од британскиот премиер, кој се обрати на NUST.

„Почитувам дека многу навивачи на Њукасл се надеваа дека понудата за преземање на клубот ќе биде направена и го разбирам нивното чувство на разочарување. Видов е-пошта испратена до фановите на Њукасл од Независниот фудбалски народен правобранител и се согласувам со нивниот заклучок дека Премиер лигата треба да го коментира овој случај. Драго ми е што народниот правобранител се обврза да ја советува Премиер лигата да даде изјава. Мора да се објасни зошто имало значително одложување во одлуката и мора да бидат објавени причините зошто конзорциумот одлучил да ја повлече понудата“, напиша Џонсон.

Според медиумите, доцнењето во преземањето на клубот било поради наводите дека Саудиска Арабија била вмешана во пиратство, односно било откриено дека државната компанија „BeoutK“ емитувала натпревари во Премиер Лигата, иако немала права.

Исто така, имаше дополнителни загриженост во врска со тековните кршења на човековите права во Саудиска Арабија, како и наводите дека Бин Салман наредил атентат врз новинарот Џамал Кашоги, што тој ги негираше.