Коронавирусот влегол во старечкиот дом Санкт Мариен во градот Белм по ревакцинација на лицата кои престојуваат во истиот.
Домот за стари лица помина низ целата корона-криза без инфекција, сè до почетокот на февруари, кога беше утврден британскиот вид, дури и меѓу ревакцинираните лица.
Сите во тој дом биле ревакцинирани, но откако дневниот брз тест кај една негувателка бил позитивен, се утврдило дека и 14 лица кои престојувале биле заразени со британскиот вид на вирусот.
Сите станари на домот ја примиле втората вакцина на Бионтек-Фајзер на 25 јануари, а засега е нејасно кога се заразиле.
Меѓутоа, позитивните лица немаат потешка форма на болеста, туку претежно се асимптоматски.
Вирусологот Бернхард Флекенштајн од Универзитетот во Ерланген за „Билд“ изјавил дека почетната точка е дека инфекцијата е можна дури и по вакцинирањето, но без тешка форма на болеста.
Тој наведува дека е можно лицата да се заразиле пред вакцината, бидејќи PCR тестот може да биде позитивен и до шест недели по инфекцијата.