Ова го покажуваат резултатите од анкетата, направена меѓу 2.000 лица.
Досетливите Британци прибегнуваат кон необични практики, за да штедат од сметките за струја, пишува “Дејли експрес”, повикувајќи се на резултатите од анкетата, направена меѓу 2.000 лица по нарачка на компанијата “Бритиш гас”.
Истражувањето открива дека наместо да користат климатизери или вентилатори и да трошат струја, или да се потпираат на отворени прозорци или спуштени завеси како спротивставување на топлината, десет отсто од поданиците на нејзиното Височество се шетаат голи дома. Тоа им помага да штедат стотици фунти од годишните сметки за енергетска потрошувачка.
Готвењето живеејќи како Адам или Евин, без облека не е единствената необична пракса, користена од штедливите Британци.
Анкетата покажува дека барајќи начини да штедат, многу жители на Островот наутро наместо со топла се капат со ладна вода. Тие, исто така, прават излети и скари во градината, за да се избегне вклучувањето на шпорет или ги перат своите облеки со ладна вода. Некои стигнуваат до таму што ги капат децата со црево во градина и во базен.
Анкетата исто така, открива дека за да штедат електрична енергија, британските обожаватели на хорор гледаат страшни филмови на темно.