Бритни Спирс го потврди објавувањето на мемоарите: „Мојата приказна, под мои услови“

од Stefanija Kuzmanovska

Американската пејачка Бритни Спирс потврди дека ќе објави мемоари, велејќи дека книгата ќе биде „под нејзини услови“, пишува во четвртокот германската агенција dpa. Книгата со наслов The Woman In Me ќе биде објавена во издание на Gallery Books во октомври оваа година.

Пејачката во вторникот во видеото на Инстаграм напиша: „Мојата приказна доаѓа, под мои услови, конечно. Дали сте подготвени?“.

Според издавачката куќа, книгата ќе биде „храбра и неверојатно трогателна приказна за слободата, славата, мајчинството, опстанокот, вербата и надежта“ и ќе се занимава со борбата на Спирс да го прекине старателството над нејзиниот татко.

Сложениот правен договор, кој започна во 2008 година, му овозможи на 41-годишниот татко на пејачката, Џејми Спирс, да управува со нејзината слобода и финансии. Овој тип на старателство обично се користи за многу болни или постари лица, а судијата во Лос Анџелес го прекина по 13 години во ноември 2021 година.

Беше објавено дека договорот со издавачката куќа е вреден до 15 милиони долари.

Книгата The Woman In Me ќе излезе на 24 октомври.

Слични содржини