Бројот на починати од Ковид-19 во Италија надмина 60.000

Бројот на смртни случаи од последиците од коронавирус во Италија надмина 60.000, откако во последните 24 часа биле пријавени 564 смртни случаи, соопшти Министерството за здравство. Инфекцијата е потврдена кај 18.887 лица во последните 24 часа, што е помалку во однос на 21.052 лица од претходниот ден.

Хоспитализирани се 30.391 пациент заразен со вирусот, а уште 150 лица биле примени на одделите за интензивна нега и сега има вкупно 3.454.

Во Италија досега се заразени 1,728 милиони луѓе, а починале 60.078 луѓе. Во изминатите 24 часа биле тестирани 163.550 луѓе.