Два канадски компании кои се занимаваат со одгледување на марихуана се споија за да создадат корпорација вредна 6 милијарди долари. Купувачот по трансакцијата е Aurora Cannabis која го купуваа малиот производител на канабис CanniMed Therapeutics, соопштува BBC.
Канада планира да ја легализира марихуаната за забавни цели и тоа ќе се направи во средината на оваа година. Тоа е и главната причина компании да развиваат активности во оваа сфера и затоа бараат патишта за обединување со надеж за заземањето голем пазарен удел во ново создадениот пазар.
Зделката е најголемата засега во канадската индустрија на марихуана и обединување ја прави да биде најголемата компанија во светот, која се занимава со одгледување на канабис. Аурора ќе плати околу 850 милиони долари за купување на CanniMed.
Според аналитичарите, целта на овој договор е сериозното навлегување во сфета на медицинските производи создадени на база марихуана. Во минатата година, канадскиот премиер Џастин Трудо вети “легализирање, регулираниот пристап до марихуана” со цел да се намали пристапот на младите до илегалниот пазар на канабис.
Парламентарната буџетска комисија во Канада излезе со пресметки дека минатата година околу 4.6 милиони лица на 15-годишна возраст и повеќе употребиле канабис барем еднаш. Тоа значи дека 655 метрички тони канабис ќе се користат само оваа година.
Канада е меѓу ретките земји во светот за легализација на марихуаната за забавни цели. Меѓу нив се Уруграј, Холандија и неколку држави во САД, иако на федерално ниво ова сè уште се смета за нелегално.
Општо земено, индустријата за марихуана е во период на консолидација. Според студија на советниците од EY, 87% од раководните кадри очекуваат спојувања и превземања во секторот со цел проширувањето на пазарите.