Голманот на Манчестер Јунајтед, Давид де Хеа е прилично незадоволен од работата со тренерите на клубот во последните години. 31-годишниот Шпанец е еден од најконстантните играчи на „црвените ѓаволи“ во последните сезони, па дури и ја освои наградата за најдобар играч во клубот минатата сезона.
Во исто време, сепак, тој беше предмет на одредени критики за неговата игра, а особено за неговото учество во поседот на топката, одење по високи топки, како и за неговата игра надвор од шеснаесетникот.
Сепак, Шпанецот смета дека тренерите со кои соработувал во последните години на „Олд Трафорд“ се виновни што не ги развил целосно своите квалитети, пишува Атлетик.
Низ Манчестер Јунајтед поминаа некои многу сериозни специјалисти како тренери на голмани. Сепак, Де Хеа има забелешки во работата со нив. Смета дека тоа е причината поради која го загуби стартното место во шпанската репрезентација, бидејќи Луис Енрике претпочита голмани кои се корисни не само за одбранување на ударите на противникот, туку придонесуваат и за другите аспекти на играта.
Сега Де Хеа се надева дека со доаѓањето на новиот менаџер Ерик тен Хаг ќе има можност да ја подобри својата игра. Холанѓанецот има сериозни барања и од своите голмани, бидејќи сака тие да имаат поголемо влијание врз играта на тимот. Сепак, Де Хеа е подготвен да учи и да ја прилагоди својата игра на барањата на менторот, се вели во материјалот.