Ирците по целиот свет се собираат на 17 март, за да го прослават празникот на својата култура Св. Патрик. Овој ден го слават сите Ирци, каде и во светот да се наоѓаат.
Во многу земји на планетата овој ден се смета за празник на ирската душа. Легендите раскажуваат дека патронот на Ирска, Свети Патрик, се родил во Бану, Велс, приближно во 385 година со името Мејуин. До 16-годишна возраст се сметал за незнабожец. На оваа возраст бил киднапиран и продаден во ропство од група Ирци кои му го нападнале селото. За време на ропството се доближил до Бога.
По шест години успеал да побегне во Галија. Дванаесет години учел во манастир. Во тоа време сфатил дека е повикан да ги покрсти незнабошците. Потоа бил просветен во Сана на ѓакон, потоа – на проповедник и конечно – на епископ. Во меѓувреме се нарекол со христијанското име Патрик и бил назначен за втор епископ на Ирска.
Патрик патувал често низ Ирска и надвор од неа и обиколил многу места, крстени подоцна по него. Создавал училишта и цркви, кои му помагаат во проповедањето на христијанството во Ирска. Неговата мисија таму траела 30 години. Потоа се повлекол во грофовијата Даунов.
Тој умрел на 17 март 461 година. Оттогаш тој датум се прославува како Ден на Свети Патрик. Во расказите за Свети Патрик освен вистина, има и многу мистика и фантастика. Едно од верувањата е дека тој воскреснувал мртви луѓе. Друго – дека искажал проповед од едно возвишение и со неа ги истерал сите змии од Ирска, каде змии нема и никогаш немало. Иако првично бил католички празник, Денот на Свети Патрик се претвори во светски празник. Во многу земји на планетата овој ден се смета за празник на ирската душа.
Традиционален симбол на Денот е детелината, која е симбол на Ирска. Според една од легендите Свети Патрик користел трилистна детелина во своите проповеди, за да го објасни тројството на Отецот, Синот и Светиот дух.
Денот на прославата на светот е обележан речиси целосно во зелено – луѓето носат зелена облека, јадат зелена храна, па дури и пијат од познатото зелена пиво, за да го одбележат значењето на симболот на детелина.
Една од најпопуларните ирски здравици во чест на Св. Патрик гласи: “Нека кровот над нас никогаш не падне и нека ние, пријателите, под него никогаш не се предадеме!”
Во САД за прв пат денот на Св. Патрик е одбележан во Бостон во 1737 година. Денес околу 34 милиони Американци се гордеат со ирското потекло на предците.
Во Ирска датумот се одбележува масовно со паради, добротворни акции и со многу пиво, обоено во зелено. Најголемите прослави на празникот стануваат во Даблин, каде што секоја година се собираат стотици илјади луѓе.
Во Чикаго реката со часови стои зелена, а Њујорк собира многубројни бендови, кои ги истакнуваат заслугите на Св. Патрик во христијанската историја. Во јужната хемисфера најголеми прослави има во Сиднеј, Австралија. Денес Свети Патрик се слави во целиот свет.
