Кога еден маж го губи умот по одредена жена, не треба да се бара посебна логика, но за првиот впечаток изгледот е особено важен.
Француските научници ја спорведоа првата студија која бара врска помеѓу однесувањето и фризурата. Резултатите се категорични – на мажите им се допаѓаат повеќе жени со долга коса.
Според истражувачите таа е знак за добро здравје и квалитетни гени, пишува “Мејл он сандеј”.
За да го докажат своето тврдење научниците направиле интересен експеримент. Две жени – со долга и кратка коса, ја испуштале својата ракавица пред претставници и на двата пола. И додека реакциите на жените биле исти, мажите покажувале поголемо кавалерство кон долгокосата жена.
“Жените со долга коса остават впечаток за повеќе женственост, младост, здравје и сексапил”, тврдат научниците кои ја објавиле студијата во “скандинавско списание за психологија”. Младоста и доброто здравје инстинктивно се поврзуваат со потенцијал за плодност.