Триесеттото Генерално собрание на Асоцијацијата на балкански новински агенции – Југоисточна Европа (АБНА-СЕ) ќе се одржи во Бугарија во 2022 година, одлучија едногласно денеска членовите на асоцијацијата во главниот град на Косово, Приштина.
Од следната година Бугарската телеграфска агенција (БТА) ќе го преземе претседавањето со АБНА-СЕ.
Генералниот директор на БТА, Кирил Валчев, предложи темата да биде „Заедно за ВИСТИНАТА” и за време на форумот во Бугарија да се дискутираат правилата за „Балканска соба за вести” како заедничко место за вести од балканските земји. Валчев предложи новинските агенции од 12 -те балкански земји – членки на АБНА-СЕ секој ден да си испраќаат едни со други водечки вести од нивните земји, што потоа ќе бидат лиферувани од сите други агенции. Проектот за правилата ќе биде подготвен од триото агенции, сегашен, претходен и иден претседател на организацијата – Косово, Албанија и Бугарија – заедно со новата генерална секретарка на здружението, Бранка -Габриела Војводиќ, генерален директор на хрватската новинска агенција ХИНА.
Јубилејното генерално собрание на балканските агенции ќе се одржи во пресрет на 125 -годишнината од формирањето на БТА и ќе биде посветено на споменот на поранешниот генерален директор Максим Минчев. Здружението воспостави награда за новинарство со неговото име, посветена на пријателството меѓу балканските народи, што ќе биде доделена за прв пат на форумот во Бугарија.
Во Бугарија, ќе се донесе и одлуката за барањето за членство во АБНА -СЕ на МИНА – информативната агенција на Црна Гора.
БТА е членка основач на АБНА-СЕ, непрофитна професионална асоцијација на новински агенции во Југоисточна Европа, основана во 1995 година за да ја развие соработката меѓу новинските агенции-членки, како и да помогне во изградбата на клима на мир, пријателство, безбедност, ко -операција на Балканот и Југоисточна Европа.