Актуелно
Почетна / Македонија / Довиквуања, препукувања и фотографии од Боки 13 – Хаос на седницата за Законот за ЈО

Довиквуања, препукувања и фотографии од Боки 13 – Хаос на седницата за Законот за ЈО

Наместо да зборуваат за Законот за Јавното обвинителство, власта и опозицијата со довиквуања од место се расправаат кој сакал, а кој не сакал избори.

Фото: Борче Поповски

Координаторот на пратеничката група на СДСМ, Јован Митревски вели дека на координацијата посочил дека има закони кои треба да се изгласаат пред избори, а во корист на јавноста, по што опозицијата почна да тропа по маси.

„Не знам зошто десет дена не се закажува комисијата за труд и социјалата за платите на професорите. Можеби имате професори како Каракамишева на кои не им се битни платите, но има онакви на кои им се битни. Нашите пратеници ќе се откажат од збор за денеска побрзо да завршиме. Барам ако треба да работиме и 24 часа, само да завршиме, да се распуштиме и да одиме на избори на 12 април“, рече Митревски.

Координаторот на пратеничката група на ВМРО-ДПМНЕ, Никола Мицевски пак, рече праша кој ги спречувал да ги завршат законите предизборно. Митревски пак му возврати дека додека пред јавноста повикуваат на избори, а закажуваат седници на комисии и по 12 април.

По процедуралниот говор, Мицевски извади фотографија од првообвинетиот во „Рекет“, Бојан Јовановски, со пратеникот Александар Кирацовски, велејќи дека поради тоа не сакаат избори. На секој говор, пратениците си довикуваа, по што собранискиот спикер, Талат Џафери, даде еден час пауза.

А.Т.

loading...