ДСЗИ влезе на Гинекологија после обидот за самоубиство на 39-годишната родилка

Како што соопштија вчера од ГАК, пациентката на 39-годишна возраст од Скопје, била примена на Гинекологија на 28.06. во 21.16 часот заради крвавење во последниот триместар од бременоста (36 гестациска недела). Родилката го преживеала падот и во моментов е на КАРИЛ во многу тешка состојба, во придружба на дежурната екипа, а немилиот настан е веднаш пријавен во надлежните институции кои излегоа веднаш на терен за разјаснување на случајот.

-Секаде во светот познат е податокот дека една од 10 породени пациентки имаат мало психолошко пореметување, но никаде прозорците не се затворени и забарикадирани. Не можеме да ги чуваме како затвореници. Сепак тоа е убаво чувство, рече директорката на Клиниката, Викторија Јовановска, одговарајќи пред медиумите.

Докторката истакна дека пациентката на Клиниката немала посебни психички проблеми, освен што била лесно вознемирена и не сакала да го дои бебето.

Од Гинекологија велат дека се разгледува опција психијатар да ги посетува еднаш неделно родилките.