– Ги разгледуваме опциите да останеме во опозиција, рече Ахмети.

Според него, се уште не е постигнат договорот дали ќе ги даде потписите на лидерот на СДСМ, Зоран Заев за тој да го добие мандатот од претседателот Ѓорге Иванов.

Како што претходно објави Локално.мк, многу е извесно целата пратеничка група на ДУИ да ги даде потписите за Зоран Заев и СДСМ,  а само Ахмети  да не го даде неговиот потпис, колку за поддршка на пријателството со ВМРО ДПМНЕ и колку за држење на јавност уште малку во неизвесност. Секако ваквото шалтање на ДУИ придонесува кон дигање на тензиите, и свесно, оставање простор за дејствување на ВМРО ДПМНЕ.

Пимплањето на Ахмети е во директно содејство со Никола Груевски колку за оддржување на нивната лична, а не партиска соработка. Кон крајот на денот се очекува одлуката на ЦП на ДУИ, која  може да има и двонасочна разврска, но тоа нема да го загрози формирањето на новата влада на Зоран Заев, бидејќи во коалицијата веќе има доволен број на потписи за парламентарно мнозинство.