Двајца браќа Словаци се победници на натпреварот во копање гробови што минатата недела се одржа во рамки на меѓународната изложба на погребни услуги во Тренчин.
Ладислав и Чаба Складан, на возраст од 43 и 41 година, во еден град на запад од Словачка за само 54 минути ископаа гроб длабок 1,5 метар, долг два метра и широк 90 сантиметри, победувајќи десет други двочлени екипи од Словачка, Полска и Унгарија, пренесува Хина.
Нивниот гроб бил и најуреден, заклучило петчленото жири.
-Среќен сум што победивме. Тоа е вистинско задоволство по 15 години на оваа работа, рече Чаба.
Неговиот брат Ладислав се пожалил дека „морал да се концентрира на брзината, иако кога времето е убаво и можат да разговараат со својот брат, тоа е работа од соништата“.
Организаторот на натпреварот Ладислав Стриз рече дека целта била да се покаже оваа тешка работа што можеби недоволно се цени./MИА