Две безживотни тела се пронајдени во куќа во селото Морани, скопско, откако во неа избувнал пожар. Трагичниот настан бил пријавен во МВР во 4 часот утринава.
-Пријавено е дека во селото Морани, во викенд населбата гори куќа, сопственост на Р.Н. (66). На лице место се упатени полициски службеници и екипа на Бригадата за противпожарна заштита. Во куќата се пронајдени две тела, а по наредба на јавен обвинител, телата се предадени за обдукција. Во 09.30 часот пожарот бил изгаснат, појаснуваат од полицијата.
Причината за пожарот допрва ќе се утврдува. Полицијата спроведува истрага за целосно разјаснување на настанот.
Од ЈП „Водовод и канализација“ утрово соопшија дека 08 часот без вода ќе бидат корисниците од викенд населбата Морани поради уличен дефект на улицата 6/бб. Водоснабдувањето ќе биде прекинато до санација на дефектот.