Во најгласната тишина што Петроварадинската тврдина некогаш ја слушнала, 40.000 луѓе молчеа 16 минути – за вистината, правдата и новата генерација што го менува светот. Пораката од Петроварадинската тврдина одекна надалеку, како глас на единство и надеж, се вели во соопштението на фестивалот „Егзит“, пренесува Н1 телевизија.
„Токму оваа нова иднина го инспирираше Хенри Амара, кој испрати силна порака до сите присутни: „Ова е генерацијата што ќе го промени светот. Генерацијата на љубовта. Генерацијата на мирот. Генерацијата на вистината“, додавајќи дека ја пренесува пораката на Јоко Оно до младите од Србија дека и покрај притисоците, „не се откажувајте“. Во момент што влезе во историјата на фестивалот, тврдината Петроварадин стана место на најгласната тишина. Неколку десетици илјади луѓе испратија порака за солидарност низ целата планета во шеснаесетминутна тишина“, се вели во соопштението.
Се додава дека „по силна тишина, студентите излегоа на сцената, кои беа поздравени со овации од десетици илјади луѓе, а им се придружи и италијанската пејачка Гала, која со нив го изведе глобалниот хит „Freed from Desire“, кој стана еден вид протестна химна во Србија“.
„Со громогласната поддршка од публиката, Гала испрати и порака на српски јазик: Покажете му на светот дека народот има моќ! Подигнете го расположението“, се додава во соопштението.
Фото; ЕГЗИТ Фото Тим