Елмас: За 4-5 години ќе го облечам дресот на Реал или Барселона, а ја сакам и „Златната топка“

Пред неколку дена беше објавено дека Фенербахче почнува нова кампања. Тие ќе се обидат да соберат 30 милиони евра до 31 мај за да избегнат санкции од УЕФА, па постои можност да биде продаде и македонскиот репрезентативец Елиф Елмас.

Елмас во интервју за турските медиуми кажа што планира да постигне во наредните неколку години, а меѓу останатото спомна и трансфер во Реал Мадрид или Барселона.

„Јас имам големи соништа и цели. За четири-пет години планирам да го носам дресот на Реал Мадрид или Барселона. Исто така сакам да ја освојам ‘Златната топка’. Морам да признаам дека мојот идол е Роналдињо“, вели Елмас.