Непримерна е утрешната посета на премиерот Кирил Петков на РСМ. Пред пет дена од кабинетот на македонскиот претседател Стево Пендаровски соопштија дека планираат средба со сепаратистичката организација ОМО Илинден. Ова е прекршување на Договорот за добрососедство од 2017 година и црвена линија ставена во рамковната позиција на нашата влада од 2019 година… Тоа е единствената причина зошто утрешната посета треба да се одложи, смета бугарскиот дипломат и поранашен амбасадор Велизар Енчев во изјава за „БНР“.
Според него, главен проблем во бугарско-македонските односи е нивната обновена историја и македонизираното бугарско културно-историско наследство.
„Да не мислиме дека со пет работни групи ќе го надминеме главниот проблем. Главниот проблем е историјата. Притисокот од САД и Европа е друга тема, но ова не е ништо ново од последните 70 години. Ние веќе направивме генерална грешка во 2017 година, кога се договоривме за членство на Македонија во НАТО“, вели Енчев и додава:
„Политичкиот оптимизам на Кирил Петков се граничи со наивност. Tреба да си многу наивен, да не ја знаеш историјата воопшто, да мислиш дека за 6 месеци можеш да ги решиш проблемите кои не се решени во последните 100 години“, истакнал бугарскиот дипломат.