Има намирници кои помагаат во слабеењето, но и оние кои можат да не саботираат на патот до успехот. Ендокринологот Ангелика Чиж откри која храна се смета за најголем виновник за дебелеење.
„Доколку не сакате да се здебелите, не јадете пецива од продавница. Тие содржат многу шеќер и масти, а комбинацијата од овие состојки веднаш ќе влијае на вашата половина и колковите“, рекла таа.
Ниту чипсот ниту крекерите не придонесуваат за добра фигура. Едно пакетче чипс содржи половина од дневните потреби за маснотии.
„Преработените месни производи исто така може да предизвикаат зголемување на телесната тежина. Колбасите, виршлите и другите слични производи содржат кожа, маснотии, коски и ‘рскавица и минимална количина на месо“, вели д-р Чиж.
Со исфрлање на овие производи од вашата исхрана, многу брзо ќе забележите промени во вашето тело и благосостојба и ќе го намалите ризикот од прекумерна тежина.
Во Европската унија, најголем проблем имаат Хрватска и Малта – 65 отсто од возрасните во 2019 година имале прекумерна тежина. Од друга страна, најниски бројки се забележани во Италија (46%), Франција (47%) и Луксембург (48%).