Google и Facebook ќе започнат заедничка работа за справување со лажните вести кои се шират преку пребарувачот и социјалните мрежи, пишува Bloomberg. Причината се засилените критики кон двете компании, кои вклучуваат и обвинувања дека тие даваат платформа за ширење на лажни информации. Конкретен случај, кој се користи за главен пример, се изборите за претседател на САД, каде според многу критичари ширењето на лажни информации извршиле големо влијание врз крајниот резултат. Според Buzzfeed News, Facebook создале неофицијална работна група која ќе ги разгледа случајот. “Марк (Цукерберг) знае дека на Facebook истекуваат лажни вести за време на целата кампања, но немаше како да ги запре“, вели анонимен извор од компанијата за BBC.
Што ќе преземат
Alphabet – компанијата мајка на Google, во понеделникот објави дека ќе престане да им овозможува на сајтовите кои пуштаат лажни или изманипулирани вести, да користат реклами на Google, преку кои многу од нив се финансираат. Компанијата сепак нема да престане да индексира слични сајтови и целосно ќе ги зема најтешките можни мерки против нив. “Во иднина ќе ограничиме рекламите кои ги нудиме во сајтови за кои мислиме дека пуштаат лажни информации и нема јасни информации за тоа кој е сопственик и автор”, коментира Андреа Фавил, портпарол на Google.
Facebook од своја страна ќе започне кампања за расчистување на веќе постоечките правила. Таа, исто така ќе повлече рекламите од сајтовите, за кои не е сигурно дека се легални или шират лажни и погрешни информации.
Нова политика
Услугата на Google AdSense, која е водечка во интернет и им овозможува на сајтовите да имаат реклами на нивните страници, е главниот генератор на приходи за многу од онлајн публикации, вклучувајќи и лажните сајтови. Новата политика на Google нема да успее да го отстрани лажните вести на сајтовите од резултатите на пребарувачот поради сложените алгоритми кои ги уживаат, но може да остави слични сајтови без голем дел од нивните приходи. Од Google објавија дека работеле на оваа промена на политиката на компанијата уште пред изборите во САД.
Победата на Доналд Трамп во изборите се покажа шок за речиси целиот свет, но особено тешка ја примија веста компаниите од Силиконската долина. Деф Луис, инвеститор во фирмата Founders Fund, смета дека голема заслуга за тоа има самата технолошка индустрија. Според него на социјалните мрежи е дадена преголема слобода, а во Facebook циркулираат лажни вести, кои ги поддржуваат и двете страни. Основачот и извршен директор на Facebook, Марк Цукерберг од своја страна одговори дека “над 99 проценти од она што луѓето го гледаат и споделување на социјалната мрежа, е вистинска, чиста информација”. Тој додаде дека е многу малку веројатно слични вести да ја свртат ситуацијата во која и да било насока.
Google беше критикувана во понеделникот, бидејќи првиот резултат при пребарување за резултатите од изборите бил Wordpress блог, кој не бил потврден. Oд Google се справиле со проблемот релативно брзо. “Во овој случај очигледно имаме грешка, но постојано работиме на алгоритмите”, коментира Фавил.