Американската фармацевтска компанија „Фајзер“ побара од американската влада да дозволи употреба на нивната вакцина против „Ковид-19“ кај деца на возраст од пет до 11 години.
Ако регулаторите се согласат, вакцинацијата може да започне во рок од неколку недели.
Многу родители и педијатри бараат заштита за деца под 12 -годишна возраст, сегашната старосна граница за вакцината произведена од Фајзер и неговиот германски партнер Бионтек.
Фајзер на социјалната мрежа Твитер објави дека официјално побарал одобрување од Управата за храна и лекови за употреба во итни случаи.
Тие сега ќе одлучат дали има доволно докази дека вакцините се безбедни и дали ќе ги применат на помалите деца, како што тоа веќе го прават со тинејџерите и возрасните. Независен експертски совет јавно ќе расправа за тоа на 26 октомври.
Фајзер изјави дека неговото истражување покажало дека помалите деца треба да примаат една третина од дозата што сега им се дава на возрасните.
Производителот на вакцини спроведе студија на 2.268 доброволци на возраст од пет до 11 години.
Тие изјавија дека нема сериозни несакани ефекти.
Ако ФДУ одобри итна употреба на вакцината за деца, постои уште една пречка пред да започне вакцинацијата на оваа возраст.
Конечната одлука за вакцинација на помалите деца ќе ја донесат експертите на Центарот за контрола и превенција на болести.
Вакцината, која веќе е одобрена за тинејџери на возраст од 12 до 15 години, како и за постари од 16 години, предизвика силен имунолошки одговор кај 2.268 испитаници, објавија компаниите кон крајот на септември.