ФИФА и УЕФА ја исклучија Русија и нејзините клубови од сите нивни натпреварувања, објавија на своите веб-страници.
Она што беше навестено во понеделникот околу пладне беше потврдено дури попладне.
Тоа практично значи дека Спартак од Москва ќе биде исфрлен од Лига Европа, а Русија нема да може да оди на Светското првенство во Катар и нема да може да игра во Лигата на нации, доколку нешто не се промени во меѓувреме.
Бордот на ФИФА и Извршниот одбор на УЕФА ги ревидираат дополнителните санкции против Русија, поради агресијата врз Украина.
Русија изврши воена инвазија на Украина и борбите траат од четвртокот, па протерувањето на нејзините клубови и репрезентација е само една од последиците.
Тоа значи дека Русите нема да можат да одат на Мундијалот во Катар, бидејќи требаше да бидат учесници во баражите за ова натпреварување.
„ФИФА и УЕФА денеска заеднички одлучија руските тимови, национални и клупски, да бидат суспендирани од учество во сите натпреварувања до понатамошно известување“, се вели во соопштението.
Одлуките се со ознака „итно“, поради што ќе стапат во сила веднаш.
„Фудбалот е целосно обединет и постои целосна солидарност со луѓето погодени во Украина. Двајцата претседатели на УЕФА и ФИФА се надеваат дека ситуацијата во Украина значително и брзо ќе се подобри за фудбалот повторно да биде насока на единство и мир меѓу луѓе“, додаваат од ФИФА и УЕФА.